”مونکي لڳي ٿو ته اها ***** جي مائي اٿئي؟“

”نه ڙي با! اها انگريزياڻي اٿئي جيڪا سنڌي ويس ۾ آهي“

” آئون ڪيئن مڃان ؟؟“

”هي ڏِس هن جو پنهنجو کاتو اٿئي ڪتاب ۾ “

”يار ! توواري ڪتاب ۾ ته جنس تبديل ڪيل ماڻهو به آهن هي انهن مان ته ناهي،“

”مٺا ! جيڪڏهن ائين هُجي ها ته ايترا سارا ڦوٽو ڇو موڪلي ها؟“

”هممم.. ڀلا ڏي خبر توسان به ياري رکي اٿس يا ٺلهو ڪتاب ۾ منهن پيو ڏسينس“

”مٺا ! انگريزن وٽ آزاد ماحول آ، باقي پنهنجي سنڌ ۾ ڪنهن “کولِي“ (پوڙهي) ماسترياڻي کي به السلام عليڪم چوندين ته ماڻهو چوندا اهو اٿئي، پوڙهين تي عاشق پٽ پيو وڃئي...“..

”مٺل! يار ڏي خبر ٻوٿ بوڪ ۾ ڪهڙي شئي ڏٺي ؟“

”هر شئي ڏٺي اٿم..“

”ڪٿي تون به ڪنهن ڀوريءَ جي چڪرن ۾ .....؟ هون ؟؟“

”نه ادا.. اهي ڀوريون اسان کان ڪوهين ڏور آهن، ويچاريون اسان جا جهيڙا ڏِسي ڀڄيو وڃن“

”ته پوءِ ڪا سنڌياڻي ؟؟؟“

”اسان سنڌي نياڻين کي تعليم ڏياريون ئي ڪونه، جي ڏيارينداسين ته انهن کي فيسبوڪ کان پري رکنداسين ته ڪٿي ڇو ري ڀڄي نه وڃي..“

”پر ادا اهي فيسبوڪ تي جيڪي آئي.ڊيز آهن اهي ڪير آهن ؟؟“

”وڏل! اهي ڇوڪرا اٿئي جيڪي جنس تبديل ڪن ٿا صرف واھ واھ جي لاءِ..“

”ڀلا ! ٻي ڏي خبر ! تو وارا يا ڪامريڊ ڇا ٿا چون؟“

” ڪامريڊ وري ڪهڙا ؟ ڪامريڊ اڳي هوندا هئاجيڪي ٻين جي خدمت ڪندا هئا، اڄوڪا ته صرف پنهنجي واھ واھ ۾ پورا آهن ۽ فيسبوڪ تي اسلام خلاف پوسٽ رکي پوءِ هڪ ٻئي کي پيا چوندا ته : ادا ڏٺئي مون واري پوسٽ؟؟ ساڍا سترنهن سئو لائيڪ ۽ 200 شئير ۽ ٽي هزارن کان مٿي ڪامينٽ اٿئي.. بس انهي تي پيا خوش ٿيندا ۽ ڪم ڪونه ڪندا..“